The Travel Women: 11 arsye për të vizituar Shqipërinë, para se të shndërrohet në një nga destinacionet më të populluara
Shqipëria gëzon disa nga pamjet më të mira, rrënojat dhe plazhet por ajo është ende një nga destinacionet sekrete më të mira në Europë ku nuk do të hasni turma të mëdha njerëzish.
Ka plazhe të mrekullueshme të stilit grek, kala historike që duken si Wells, dhe bulevarde të gjera për këmbësorë me kafene në anësore si Barcelona.
Shqipëria u emërua edhe një nga udhëtimet tona më të mira që ne rekomandojmë për vitin 2018! Këtu janë 11 arsye pse ju duhet të vizitoni këtë perlë të fshehur evropiane (para se gjithkush tjetër të bëjë).
- Është lirë
Hotelet me 5 yje në çdo pjesë në Shqipëri ishin nën 100 dollarë. Një vakt me shumëllojshmëri ushqimesh bashkë me verën kushtoi 10-15 dollarë për person në çdo restorant. Karta e telefonit për një javë me çdo gjë të përfshirë ishte vetëm 3 dollarë. Vendi është mjaft i lirë. Në Rivierën shqiptare kryesisht shihni të njëjtën pamje si në Positano apo ishujt grekë, me kosto të përgjysmuar. Ju gjithashtu mund të përjetoni ecje malore të stilit norvegjez dhe qytete alpine të frymëzuara nga Zvicra. Kjo është ndalesa perfekte për çdo udhëtar me pak kosto, me çantë shpine ose për dikë që kërkon të udhëtojë pa shpenzuar shumë.
- Është i pandryshuar
Shqipëria nuk është në Instagram. Ende, Nuk është perëndimore dhe jo tamam e modernizuar. Nuk ka Starbucks apo Mcdonald. Transporti publik nuk është ndër të mirët. Më e mira nga të gjitha është se nuk ka shumë turizëm. Kjo do të thotë se do të shihni një vend autentik me histori të pasur, ashtu siç është.
- Fshatra të vjetër
Imagjinoni Oia, Le Baux, ose Cotswold përpara se turmat të vijnë. Në Shqipëri ekzistojnë fshatra të lashtë malorë që janë 1000 vjeçare. Nuk ka kafene, as dyqane që shesin magnete për turistët, Këto fshatra janë vërtet të paprekur dhe ju do të mahniteni nga secili prej tyre.
- Natyrë e pabesueshme
Unë u mahnita nga shumëllojshmëria e relievit në Shqipëri. Në brendësi të vendit ndjehesh si në një kombinim unik të Zelandës së Re, Norvegjisë dhe Zvicrës. Ka plazhe, male, kanione, lugina, lumenj dhe liqene. Të gjithë që kërkojnë aventura kanë mundësinë e përzgjedhjes, mund të ngasin biçikletë, të ecin apo të hidhen me parashutë. Ky është një vend fantastik për të kaluar pushimet duke kombinuar një gjysmë pushimi, gjysmë aventurë pa udhëtuar shumë orë për t’i bërë të dyja.
- Plazhe të virgjëra
Korfuzi është një udhëtim 30 minutësh me traget në detin Jon. Pra ju jeni në të njëjtat plazhe si në ishujt grekë. Riviera shqiptare pranë Dhërmiut dhe Sarandës me guralecë të bardhë, më i këndshmi që kam parë në Mesdhe. Lajmi më i mirë? Nuk do t’ju duhet të paguani shezlonin , të prenotoni kabinat apo të porosisni koktejle të shtrenjtë ndërsa jeni shtrirë. Ndoshta të gjithë vendin do ta keni vetëm për vete.
- Produkte bio direkt nga ferma
Nëse nuk është e stinës ju nuk do ta gjeni në një menu në Shqipëri. SHqipëria është mbreti i kuzhinës për shkak se njerëzit atje i kultivojnë vetë ushqimet e tyre. Një herë hëngra peshk dhe ndihesha sikur po haja në Blue Hill. Gjithçka ishte e freskët dhe pa konservantë.
- Histori e pabesueshme
Vendosa të shkoj në Shqipëri kur kuptova se ku ndodhej në hartë. Është pjesë e Ballkanit dhe kufizohet nga Greqia dhe Turqia, ndërkohë që me Italinë vetëm përgjatë detit Jon. Do të shihni rrënojat 5,000-vjeçare, arkitekturën osmane, rrugët e kaluara nga Aleksandri i Madh, kështjella e lashtë dhe fshatrat kodrinore. Shqipëria i ka të gjitha. Por ndryshe nga fqinjët e saj, është e paprishur, e paprekur dhe e paeksploruar.
- Njerëz miqësorë
Për shqiptarët turizmi është i ri, ndaj njerëzit e vlerësojnë praninë tuaj aty. Gjatë udhëtimeve të mia kam ndjerë që njerëzit nuk janë gjithnjë të kënaqur nga turistët, madje jam ndjerë e padëshirur por kjo nuk ndodh kurrë në Shqipëri. Kur banorët vendas e kuptojnë atë nga kudo në botë, ju keni zgjedhur të vini në vendin e tyre – ata janë të zhytur plotësisht në krenari dhe nuk duan asgjë më shumë se t’ju ndihmojnë dhe të bëjnë udhëtimin tuaj të mrekullueshëm. Ky nuk është një vend i rrezikshëm; njerëzit janë të sjellshëm, miqësorë dhe ju mirëpresin me krahëhapur.
- Qytete të UNESCO-s
Qytete si Berati dhe Gjirokastra janë vende të Trashëgimisë Botërore të UNESCO-S. Ato janë larg vetëm disa orësh nga njëri-tjetri, kështu që ju mund të shihni lehtësisht të dy dhe të mrekulloheni me faktin se askush tjetër nuk do të jetë atje.
- Udhëtoni pa planifikuar
Përpara udhëtimeve të mia, më janë dashur orë të tëra planifikim për të kërkuar për hotele, restorante, kafene e dyqane dhe të gjitha këto më rraskapisnin. Por kjo nuk ndodh në Shqipëri. Falë Limitless Albania, unë lashë dikë tjetër ta bënte këtë punë. Ky vend është kaq i paeksploruar, sa kisha nevojë për një ekspert lokal për ndihmë. Ia besova këtë gjë Fatmirit, që nga e ngrëna deri te e fjetura dhe them se nuk kam patur kurrë pushime kaq pa stres.
- Do të surprizoheni
Kur është hera e fundit që keni shkuar diku e nuk e keni ditur se çfarë ju pret? Ndoshta ju nuk keni shkuar kurrë në Cinque Terre por dini çdo pëllëmbë të saj vetëm nga fotot dhe hashtagget e Instagramit. Në Shqipëri, çdo ditë do të jetë një aventurë. Ju nuk i keni parë këto pamje të fotografuara, të paraqitura dhe të taguara. Ju nuk keni dëgjuar për këto restorante apo hotele (dhe shpresojmë se ju nuk do të dëgjoni për një kohë shumë të gjatë). Pra shkoni të eksploroni territorin e paeksploruar ndërsa ju ende mundeni!
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.