Thellimi i bashkëpunimit Shqipëri-Kinë – Mblidhet në Ningbo Komisioni i Përbashkët ndërqeveritar ekonomik e tregtar

Bashkëpunimi në sektorin e tregtisë, turizmit dhe infrastrukturës ishte fokusi kryesor në mbledhjen e 9-të të Komisionit të Përbashkët ndërqeveritar Ekonomik e Tregtar, Kinë-Shqipëri.

Mbledhja e zhvilluar në Ningbo u drejtua nga kryetari i palës kineze të këtij komisioni, Fu Ziying dhe kryetarja e palës shqiptare, Albana Shkurta. Ky organizëm i përbashkët, u krijua në vitin 1989 me qëllim bashkëpunimin ekonomik e tregtar midis dy vendeve.

Që nga mbledhja e 8-të e cila u zhvillua në janar të vitit 2014 në Shqipëri, vizitat e ndërsjella të niveleve të larta të dy palëve kanë qenë të shpeshta, duke nxitur zhvillimin e marrëdhënieve ekonomike-tregtare.

Aktualisht, dy vendet po nxisin lidhjen e thellë të ndërtimin të nismës “ Një brez, një rrugë” me industritë kryesore të ekonomisë së Shqipërisë.

Palët po punojnë në të njëjtën kohë edhe për realizimin e bashkëpunimit të ri në sektorin e infrastrukturës për të konsoliduar marrëdhëniet ekonomike e tregtare midis dy vendeve.

Ndërkohë, Kina vijon të mbetet jo vetëm partnerja kryesore tregtare e Shqipërisë, por edhe një nga vendet e burimit të fondeve për vendin tonë.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.