Thirrje për qetësi ndaj Kosovës dhe Serbisë – BE dhe NATO kërkojnë zbutjen e tensioneve në veri të Kosovës
Bashkimi Europian ka përsëritur thirrjet për zbutjen e situatës pas sulmit të dy zyrave të ministrisë së brendshme në veri të Kosovës, pranë kalimeve kufitare, të bllokuar nga serbët lokalë, të irrituar nga vendimi për të ndaluar makinat me targa serbe që të hyjnë në vend. Zyrës së regjistrimit të makinave në Zubin Potok iuu vendos zjarri, dhe 2 granada dore u hodhën tek zyra e regjistrimit civil në fshatin Zvecan, pavarësisht se nuk shpërthyen, sipas policisë. Serbët nga veriu i Kosovës kanë bllokuar 2 rrugët kryesore pranë kufirit që kur hyri në fuqi vendimi i qeverisë, të hënën e kaluar. Të gjithë shoferët nga Serbia duhet të përdorin tashmë targa të përkohshme që janë të vlefshme për 60 ditë. Qeveria e Kosovës deklaroi se ky vendim është reciprok ndaj masave të Serbisë kundër shoferëve nga Kosova që prej vitit 2008, kur u shpall pavarësia. Peter Stano, zëdhënësi i shefit të politikave të Jashtme të BE, Josep Borrell, tha se përfaqësues nga Serbia dhe Kosova do të takohen në ditët e ardhshme për bisedime, me ndërmjetës nga BE.
“Hapi i parë pozitiv do jetë ardhja e negociatorëve nga të dy palët në Bruskel për të biseduar zgjihjet. Zgjidhja është zbutja e tensioneve për shkak se ajo që po ndodh nuk është e mirë për njerëzit në Kosovë, as për njerëzit në Serbi dhe as për rajonin”, u shpreh Peter Stano, Zëdhënësi i Josep Borrell.
Tensionet mes 2 vendeve ndodhen në pikën më të lartë ndër vite. Sekretari i Përgjithshëm i NATO, Jens Stoltenberg, shkroi në Tëitter se ka folur me presidentin e Serbisë, Alexander Vuçic dhe Kryeministrin e Kosovës, Albin Kurti, për nevojën e zbutjes së situatës në Veri. “Është jetësore që Beogradi dhe Prishtina të tregojnë përmbajtje dhe ti rikthehen dialogut”- shkruan Stoltenberg.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.