Thjeshtëzohen kushtet për ata që duan shtetësinë turke
Turqia ka zvogëluar kufijtë e kërkuar për të huajt për të fituar shtetësinë turke, si një mënyrë për të nxitur investimet, sipas vendimit të publikuar në Fletoren Zyrtare.
Kufiri i investimeve kapitale fikse për të fituar shtetësinë turke nga të huajt reduktohet në 500,000 dollarë nga 2 milionë dollar që ka qenë.
Gjithashtu mund të përfitojnë shtetësinë turke edhe të huaj që zotërojnë pasuri të patundshme në Turqi me vlerë minimale 250,000 dollarë, në vend të 1 milion dollar që kërkohej më parë.
Kërkesa minimale prej 3 milion dollar e depozitave në bankat turke ulet gjithashtu në 500,000 dollar.
Të huajt që gjenerojnë vende pune për minimumin 50 persona do të kenë kapacitetin për të marrë nënshtetësinë turke, thuhet në vendim.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.