Thyen masën e sigurisë “Arrest në shtëpi” dhe tregtonte mallra kontrabandë pa pullë fiskale / Arrestohet autori

Seksioni për Krimin Ekonomik dhe Financiar ka bërë të mundur kapjen në flagrancë të shtetasit – A. H., 47 vjeç, banues në Tiranë i cili ka thyer masën e sigurisë “Arrest në shtëpi”, të dhënë nga Gjykata e Apelit Tiranë dhe ushtronte aktivitet duke tregtuar mallra pa pullë fiskale, kryesisht cigare të markave të ndryshme.

Shtetasi është ndaluar në rrugën “Gjergj Legisi ”, Laprakë, duke lëvizuar me automjetin e tij, në të cilin kishte të ngarkuara 58 steka cigare të markave të ndryshme, pa pullë fiskale.

Materialet proceduriale në ngarkim të këtij shtetasi do t’i kalojnë Prokurorisë së Rrethit Gjyqësor Tiranë për veprat penale “Kontrabandë me mallra qe paguhet aksizë”, “Tregtim dhe transportim i mallrave që janë kontrabande”, “Ruajtja apo depozitimi i mallrave që janë kontrabandë”, “Fshehja e të ardhurave ” dhe “Largimi i të burgosurit nga vendi i qendrimit “.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.