TIA apel pasagjerëve që udhëtojnë në Itali: Ja dokumentet dhe rregullat që duhet të keni parasysh para udhëtimit
Tiarana International Airport u bën apel të gjithë pasagjerëve që të kenë me vete formën Dixhitale të Vendodhjes së Pasagjerit (DPLF) që të mund të udhëtojnë drejt Italisë.
Sipas njoftimit forma duhet të jetë e plotësuar në formë elektronike dhe duhet të paraqitet pranë sportelit të biletave bashkë me kodin e udhëtimit ndërsa për ata që nuk kanë adresë e-maili, ju lutemi të afërmve që të ndihmojnë familjarët për plotësimin e formularit dhe ta kenë me vete të printuar përpara udhëtimit.
Sipas informacionit të publikuar Italia vazhdon me kufizimet e udhëtimit. Lejohen të udhëtojnë vetëm rezidentët në Bashkimin Europian dhe nënshtetasit EU, si dhe familjarët e përcaktuar nga urdhëresat e autoriteteve italiane.
TIA bën thirrje që të gjithë pasagjerët të kontaktojnë kompanitë ajrore përpara çdo udhëtimi si dhe shtetet pritëse për rregullat e karantinës dhe të respektojnë protokollet e higjienës si dhe maskat vijojnë të jenë të detyrueshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.