Tirana, “hambari” i dytë i Shqipërisë pas Myzeqesë! Çfarë tregojnë të dhënat e INSTAT
Tirana rezulton si qarku i dytë në vend sa i përket prodhimeve bujqësore, perime. Referuar të dhënave të INSTAT, pas rajonit të Fierit, Tirana rezulton qarku i dytë me sipërfaqen më të madhe të mbjellur me perime të njoma, raporton SCAN.
Nëse analizojë të dhënat e Vjetarit Statistikor të INSTAT në periudhën 2013-2017 rezulton se në Tiranë për një periudhë 5 vjeçare është rritur sipërfaqja e tokave me perime të njoma nga 3.8 mijë hektarë në 4.2 mijë hektarë. Ajo që konstatohet është qendrueshmëria e përvitshme e Tiranës si qark sa i përket rritjes së sipërfaqes. Ndryshe nga qarqet e tjera, në periudhën 2013-2017, Tirana është i vetmi qark që nuk ka pësuar luhatje por vetëm rritje të përvitshme të sipërfaqes.
E sa i përket sasisë së prodhimit të perimeve të njoma, Tirana rezulton si qarku që mban vendin e tretë, pas Fierit dhe Beratit.
Në analizën e prodhimit bujqësor, duhen pasur parasysh sipërfaqja e tokës së punueshme që ka secili qark, rajonalizimi i prodhimit bujqësor e kushtet e ndryshme klimatike që diktojnë ato që mund të kultivohen.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.