Tirana mes kryeqyteteve më të lira në Europë për udhëtarët – Monako më i shtrenjti (Grafiku)
Tirana renditet në vendin e 6-të në listën e kryeqyteteve më të lira dhe shtrenjta në Europë.
Renditja është bërë nga Wanderu, një platformë kërkim-udhëtimesh, që ndihmon udhëtarët me buxhet të shtrënguar për të organizuar udhëtimit e tyre.
Renditja bazohet në një sërë mallrash dhe shërbimesh dhe kostoja mesatare e tyre. Më konkretisht çmimi i pranimit në një muze, kostoja e një filxhan kapuçino, tarifa e taksisë për kilometër, kostoja mesatare e një qëndrimi një natë në një hotel dhe një udhëtim publik me një autobus etj.
Wanderu tregon se Monako është kryeqyteti më i shtrenjtë në Europë, i ndjekur nga Reykjavik dhe Dublin.
Kryeqyteti më i lirë në Europë është Shkupi (IRJM), pasuar nga Prishtina (Kosova) dhe Podgorica (Mali i Zi). Athina renditet mes kryeqyteteve europiane më të shtrenjta, në vendin e 13-të, mes Lisbonës në vendin e 12-të dhe Vjenës në vendin e 14.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.