Tirana së shpejti me një pistë garash sportive / DPSHTRR: Krijohet Auto-Moto Parku i parë shqiptar
Tirana do të ketë pas pak kohësh një pistë garash shpejtësie. Kjo njoftohet nga Drejtoria e Përgjithshme e Transportit Rrugor nëpërmjet një postimi në rrjetet sociale. Sipas DPSHTRR në sektorin e automotorizimit, do të investohet edhe për një park me pistë testimi e eventesh ngarjeje sportive, një zonë e dedikuar për aktivitetet auto-moto në kushte më të sigurta e me infrastrukturë adapte.
Auto-Moto Parku i parë shqiptar, profesional e zyrtar pritet të hapet në zonën e Rinasit sipas ecurisë me dokumentacionet.
“Komuniteti i të apasionuarve për xhiro të shpejta, minigara, drags e drifts, show e festa apo panaire e festivale auto-moto meriton hapësirat e duhura të ushtrimit që s’garantohen dot pa ndihmën e shtetit!”
Kjo nismë është marrë kryesisht për sigurinë rrugore pasi talentet e rinj që kanë pasion këtë fushë nuk kanë rrugët si alternativë të vetme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.