Tiranë, dëmtohet rrjeti elektrik për shkak të punimeve në unazë, pa energji Kodra e Diellit. OSHEE: Po punojmë për riparimin e defektit

Operatori i Shpërndarjes së Energjisë Elektrike ka njoftuar përmes një deklarate se në zonën e Kodrës së Diellit mungon energjia elektrike, si pasojë e disa punimeve për ndërtimin e unazës.

“Për shkak të dëmtimit të rrjetit elektrik nga një firmë që po kryen punime për ndërtimin e unazës, ka mbetur pa energji zona e Kodrës së Diellit”, thuhet në njoftim.

Operatori i Shpërndarjes së Energjisë ka sqaruar më tej se po punon për zgjidhje alternative me qëllim dhënien e energjisë kësaj zone, deri në riparimin e defektit nga linja të tjera.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.