Titujt ekzekutivë të përmbarimit – Vendim i ri për menaxhimin e regjistrit elektronik të vendimeve

Titujt ekzekutivë të dërguara për përmbarim do të pasqyrohen në një regjistër të vetëm elektronik, i cili do të shërbejë edhe si databazë qendrore e kërkesave për ekzekutim.

Këshilli i Ministrave ka miratuar një seri ndryshimesh në vendimin për krijimin dhe menaxhimin e sistemit ALBIS të përmbaruesve shtetërorë e privatë. Aty do të depozitohen të dhënat e regjistrave të çështjeve përmbarimore aktive ose të pezulluara, si dhe të çështjeve të arkivuara, të transferuara, apo  të regjistruara nga përmbaruesit gjyqësorë deri në datën e hyrjes në fuqi të këtij vendimi.

Lëshimi i vërtetimeve për gjendjen për ekzekutim të një titulli ekzekutiv pranë përmbarimit gjyqësor lëshohet, përkatësisht, nga Drejtoria e Përgjithshme e Përmbarimit, për përmbarimin gjyqësor shtetëror, dhe Dhoma Kombëtare e Përmbaruesve Gjyqësorë Privatë, për përmbaruesit gjyqësorë privatë. Vërtetimi lëshohet pas paraqitjes së kërkesës, shoqëruar me kopje të mjetit të identifikimit. Vendimi parashikon krijimin edhe të një regjistri të posaçëm për magazinimin e këtyre kërkesave.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.