Tjetër bashkim në farmaceutikë – Roche blen prodhuesin e barnave për kancerin Ignyta, për $1.7 mld
Prodhuesi i barnave në Zvicër Roche, do të blejë firmën amerikane të specializuar për barnat kundër kancerit, Ignyta. Marrëveshja vlerësohet në 1.7 miliardë dollarë dhe do të zgjerojë portofolin e kompanisë zvicerane në fushën e onkologjisë.
Roche do të paguajë 27 dollarë për çdo aksion të Ignyta, çka e vlerëson kompaninë rreth 74% sipër vlerës së mbylljes së tregtisë në ditën e Enjte.
Sipas Reuteres, kompania amerikane ka qenë në bisedimet për t’u shitur, vetëm 3 vite pasi u bë publike. Ignyta do të vazhdojë operacionet në San Dieto dhe do të mbajë përgjegjësi për vazhdimin e studimit të entrectinib, produktin më të famshëm të kompanisë.
Kompania amerikane ka një serë barnash në fazën e hershme të zhvillimit, që përdorin terapinë e geneve për të luftuar sëmundjet bazë që nxisin rritjen e tumorit. “Kanceri është një sëmundje komplekse dhe shumë pacientë vuajnë nga mutacione që janë të vështira për t’u zbuluar dhe trajtuar. Marrëveshja me Ignyta do të zgjerojë fushën e onkologjisë të Roche”, tha kreu i farmaceutikës i kompanisë, Daniel O’day.
Marrëveshja pritet të përfundojë në gjysmën e parë të 2018-ës, deklarojnë kompanitë. Citi ka shërbyer si këshillues për Roche, ndërsa Merill Lynch dhe J.P Morgan për Ignyta.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.