Tjetër linjë direkte low cost nga Tirana drejt Gjermanisë – Do të operojë çdo të mërkurë e të dielë

Duke filluar nga data 1 shtator i këtij viti, Wizz Air do të nisë fluturimet direkte me kosto të ulët nga Tirana drejt qytetit bavarez, Memmingem. Lajmin e ka bërë të ditur vetë kompania hungareze, e cila ka njoftuar se fluturimet do të kryhen dy herë në javë, çdo të mërkurë dhe të dielë.

Çmimet e biletave nisin nga 19.99 euro, që përfshijnë edhe pagesën falas për bagazhin. Memmingen, i pozicionuar në Gjermaninë jugore është i njohur për pamjet piktoreske me shumë oborre, kështjella e pallate të vjetra.

Më herët, në tetor të vitit të kaluar kompania hungareze ajrore me kosto të ulët nisi fluturimet direkte Tiranë-Dortmund. Gjatë dy viteve tw fundit Wizz Air ka zgjeruar shërbimet e tij në Aeroportin Ndërkombëtar të Tiranës edhe me destinacione të tjera, si: Budapest e Londër.

Genta Dobra/SCAN

Kryhet fluturimi i parë low cost drejt Dortmundit – Ja ditët kur do të operojë linja direkte

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.