Tjetër referendum në Zvicër – Drejt heqjes së tarifave për televizionin publik, rast unik në Europë
Zvicra është një prej vendeve që zhvillon më shumë referendume falë sistemit juridik që ka. Këtë të Dielë, zviceranët votojnë për të vendosur në rast se duan apo nuk duan që të paguajnë tarifën për transmetuesit publik, pra për televizionin shtetëror dhe mediat e tjera shtetërore. Sondazhet tregojnë se, shumica e zviceranëve do të votojnë në favor të heqjes së tarifës në fjalë.
Në rast se diçka e tillë do të ndodhë, Zvicra do të kthehet në shtetin e parë në Europë që heq tarifat për televizionin publik. Një lëvizje e tillë do të kanalizonte për rrjedhojë reklamat drejt mediave të kontrolluara kryesisht nga investitorë të huaj. Tarifa në fjalë gjatë vitit të kaluar preku shifrën e 1.37 miliardë frangash, ç`ka përkthehet në 1.38 miliardë dollarë.
Transmetuesi publik SRG që operon në 4 gjuhë të ndryshme merr plot 75% të kësaj shifre. Lëvizja për të hequr tarifën është organizuar nga unioni i mediave në Zvicër. Në fillim të janarit u organizua një protestë masive për këtë çështje.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.