Tjetër risi nga DPSHTRR për Vërtetimin nga RBS: Jo më radhë në banka apo komisione ekstra
Drejtoria e Përgjithshme e Shërbimit të Transportit Rrugor ka njoftuar se duke filluar nga data 14 tetor çdo pagesë për Vërtetimin nga RBS do të kryhet direkt në arkat dhe sportelet e DPSHTRR.
Kjo do të sjellë evitimin e radhëve nëpër banka si dhe heqjen e komisioneve ekstra në pagesë (bankat më parë merrnin 150-300 lekë komision), vazhdon njoftimi.
DPSHTRR ka dakordësuar me RBS që komisioni për shërbimin (5% që do shkojë për arkën e DPSHTRR) nuk do t’i shtohet më qytetarit por do mbahet brenda tarifës zyrtare prej 1400 lekësh, shkruan njoftimi.
E.S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.