Tjetër vendim për universitetin/ “Aleksandër Xhuvani” merr në administrim ish-Infektivin dhe ish-Maternitetin në Elbasan!
Mbledhja e fundit e Këshillit të Ministrave ka sjellë miratimin e një serë vendimesh që lidhen me fushën e arsimit.
Veç marrëveshjes për programin e rinovimit të konvikteve me vlerë rreth 3 milion euro apo vendimit për përbërjen e funksionimin e këshillit kombëtar të arsimit dhe formimit profesional, Këshilli i Ministrave ka miratuar edhe një vendim tjetër që i kalon universitetit të Elbasanit një serë ambientesh të tjera që mund t’i përdorë në funksion të veprimtarisë.
Në listën e ambienteve që merr në administrim universiteti “Aleksandër Xhuvani” janë mjediset e ish Repartit Infektiv të spitalit në Elbasan, mjedise të ish-Maternitetit, një kat ndërtese (lavanteri), me sipërfaqe 106 metra katror dhe 1 kat ndërtese (garazh) me sipërfaqe 35.7 metra katrorë
Universitetit të Elbasanit “Aleksandër Xhuvani” i ndalohet të ndryshojë destinacionin e pasurive të paluajtshme, t’i tjetërsojë apo t’ua japë ato në përdorim të tretëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.