Tkurret manifaktura në të gjithë botën – Ngadalësohet aktiviteti i fabrikave. Ndikon lufta tregtare
Aktiviteti i fabrikave është tkurrur në pjesën më të madhe të Europës dhe Azisë gjatë Qershorit, ndërkohë që konflikti tregtar Kinë-SHBA ka kufizuar sektorin e manifakturës, duke mbajtur politikëbërësit nën presion për të prezantuar masa që të shmangin recesionin botëror. Disa sondazhe pesimiste për bizneset dhe tregues zyrtarë të publikuar në nisje të javës, erdhën paralelisht me paralajmërimin e liderëve të G20 në Japoni, për ngadalësim të ekonomisë botërore dhe përkeqësim të tensioneve gjeopolitike dhe tregtisë.
SHBA dhe Kina ranë dakord gjatë samtit për të rinisur bisedimet tregtare, pasi presidenti Trump ofroi koncesione përfshirë ndalimin e tarifave dhe heqjen e kufizimeve për Huawei. Megjithatë, analistët dyshojnë që ky armëpushim do të rezultojë në zbutjen e tensioneve. Aktiviteti i fabrikave në Eurozonë u tkurr më shumë se sa pritej në muajin Qershor, sipas indeksit PMI që formulohet nga mijëra sondazhe drejt bizneseve. Sektori i manifakturës në Gjermani, që varet kryesisht nga eksportet, u tkurr në Qershor për të gjashtin muaj radhazi, ndërkohë që aktiviteti në Itali dhe Spanjë preku nivelin më të ulët në 6 vite.
Fabrikat në Britani, pësuan rënien të mprehtë të aktivitetit prej tensioneve në lidhje me Brexit. Në Kinë, që është motori ekonomik i Azisë, indeksi për manifakturën tregoi rënie, duke prekur nivelin më të ulët që prej Janarit. Japonia pësoi gjithashtu tkurrje të manifakturës në Qershor. Korea e Jugut pësoi rënien më të shpejtë në 4 muaj, ndërkohë që lufta tregtare ka cenuar aktivitetin, duke detyruar firmat që të ulin prodhimin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.