Trafiku i klandestinëve drejt Malit të Zi e drejt vendeve të BE-së, policia godet një rast tjetër

Policia e Shtetit njofton se ka goditur një tjetër rast të trafikut të klandestinëve që kishte si destinacion Malin e Zi e më pas vendet e Bashkimit Europian. Policia njofton se ka arrestuar një shtetas i cili transportonte 5 shtetas të huaj në drejtim të Malit të Zi, kundrejt fitimit.

“Nga Specialistët e Seksionit kundër Trafiqeve të Paligjshme në Drejtorinë Vendore të Policisë Gjirokastër në vijim të punës për parandalimin dhe goditjen e trafikimit të klandestinëve nga vendet e treta, të cilët hyjnë në teritorin shqiptar në mënyrë të paligjshme nëpërmjet kufirit jeshil me Greqinë, u bë arrëstimi në flagrancë i shtetasit  R.Th, 29 vjeç, banues në Tiranë, (për veprën penale “Dhënie ndihmë për kalim të paligjshëm të kufirit kundrejt fitimit” parashikuar nga neni 298 i Kodit Penal), pasi ky shtetas është kapur në flagrancë nga shërbimet e Policisë të Komisariatit të Policisë Tepelenë në bashkëpunim me Specialistët e Seksionit Kundër Trafiqeve të Paligjshme në DVP Gjirokastër, në hyrje të qytetit të Tepelenës, duke transportuar me automjetin e tij në drejtim të Shkodrës me destinacion Malin e Zi dhe më pas një nga vendet e BE-së, pesë shtetas të huaj sirianë, kundrejt fitimit” njofton Policia. Kjo është hera e dytë brenda një jave  që Policia e Shtetit godet trafikun e klandestinëve që kanë si itinerar Malin e Zi e më pas vendet e Bashkimit Europian.

Me 27 mars, Policia e Shtetit njoftoi se ka arrestuar në flagrancë 5 shtetas të cilët po tentonin me kalonin në mënyrë të paligjshme 23 shtetas sirianë drejt Malit të Zi, me destinacion final Austrinë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.