“Tragjedi apokaliptike e paimagjinueshme!” – Shpërthimi në Bejrut, parë nga sytë e dy dëshmitarëve
Si çdo ditë të zakonshme, Rayane u largua nga zyra e saj në Bejrut, Liban, në orën 6 të mëngjesit.
Disa minuta pasi u fut në makinë, ajo ndjeu mpirje dhe presion në trupin e saj. Ishte momenti i parë kur ajo kuptoi për shpërthimin që shkatërroi qytetin e saj të martën.
“Ndjeva një presion në veshët dhe në stomakun tim,” i tha ajo Business Insider. “Pastaj dëgjova një zhurmë të madhe dhe makina ime kërceu nga njëra anë e korsisë në tjetrën. Në atë pikë veshët më kishin ngritur dhe gishtat ishin mpirë – por unë vazhdova të ngisja makinën.”
“Kishte kaq shumë aksidente automobilistike për shkak të njerëzve që shpejtonin me panik për të shkuar drejt shtëpive të tyre”, kujtoi Rayane. Shumë shpejt ajo arriti në rrethin Zalka ku jeton, në veri të portit.
Janë dëmtuar ndërtesat e banimit, fabrikat dhe dyqanet. Ajo thirri familjen, miqtë dhe të dashurit për të parë nëse ishin në rregull. Disa orë më vonë, Rayane u ndje më shumë në lehtësi dhe u ngjit lart. Ajo dhe familja e saj nuk ishin lënduar.
Ndërkohë në dhomat e urgjencës së Bejrutit kishte kaos. Disa nga spitalet e kryeqytetit u goditën aq shumë nga shpërthimi sa nuk mund të operonin më. Spitalet e mbetura luftuan për të trajtuar fluksin.
Një anëtar i stafit mjekësor në një spital tjetër të Bejrutit tha se skena para tij ishte apokaliptike. Ai foli për Business Insider në mënyrë anonime sepse nuk ishte i autorizuar të fliste me median.
“Unë kurrë nuk kam parë një tragjedi kaq të madhe, me kaq shumë njerëz që vdesin në të njëjtën kohë, tragjedi apokaliptike e paimagjinueshme!” tha ai përmes telefonit, me zë të dridhur.
“Universiteti i Mjekësisë na përgatit për këto skenarë të tmerrshëm, por askush nuk pre që ta shohë në realitet një gjë të tillë.”
Pacientët e mbuluar me gjak nxituan në spital, tha ai. Shumë ishin trajtuar dhe qepur në vendngjarje në çdo cep të mundshëm.
“Ne u frikësuam; ne nuk dinim se çfarë të bënim”, tha ai në fund të një turni që kishte vazhduar deri në orën 2 të mëngjesit.
“Ne pamë kaq shumë dhimbje në sytë e njerëzve. Kjo bën që ta vendosësh në pikëpyetje këtë jetë.”
Spitalet e Libanit, shumica e të cilave janë private, tashmë ishin në këmbët e fundit, edhe për shkak të pandemisë. Vendi gjithashtu është kapluar nga një krizë ekonomike, shëndetësore dhe humanitare.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.