Trajtimi i Covid-19 me antitrupa monoklonalë. GSK kërkon autorizim emergjencë për ilaçin në SHBA

GlaxoSmithKline dhe Vir Biotechnology kanë aplikuar për autorizim të përdorimit emergjencë nga Administrata e Barnave në SHBA, për ilaçin e antitrupave monoklonalë. Kompanitë po kërkojnë leje rregullatore për përdorim nga njerëzit me rrezik të latë nga 12-vjeç e sipër.  Aplikimi tek Administrata e Barnave në SHBA, bazohet në një analizë të brendshme të provave të fazës së tretë, që vlerësuan  ilaçin për trajtimin e hershëm të Covid-19 tek të rriturit me rrezik të lartë të shtrimit në spitale.  Ilaçi ka reduktuar shtrimin në spital dhe vdekjet nga Covid-19 me 85% krahasuar me placebo.  Rezultati i provave u bazua tek 583 pacientë.

“Për rrjedhojë, Komisioni i Monitorimit të të Dhënave rekomandoi që prova të ndalojë për shkak të provave të efikasitetit”- deklaruan kompanitë.  Të dy firmat nisë testimin e antitrupave në fazat e hershme të pacientëve në Gusht, me shpresën për të ndaluar progresin e simptomave. Trajtimet me antitrupa morën vëmendje të gjerë pasi u përdorën tek ish-presidenti i Shteteve të Bashkuara Donald Trump.  Zyrtarët amerikan të Shëndetësisë thonë se trajtimet me antitrupa, që kanë kohë të autorizuara, përfshirë nga Regeneron dhe Eli Lilly,  janë nënshfrytëzuar. GSK bëri të ditur se kompanitë do të vazhdojnë diskutimet me agjencinë Europiane të Barnave dhe rregullatorë të tjerë botërore, për të disponuar ilaçin tek pacientët me Covid sa më shpejtë të jetë e mundur.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.