Trajtimi i Merck ndaj Covid, pozitiv – Studimi i pilulës jep prova “bindëse”. Synohet miratimi emergjent
Merck dhe Ridgeback Biotherpeutics, planifikojnë të kërkojnë autorizim emergjent për trajtimin antiviral me pilula për Covid-19, pasi ilaçi tregoi “rezultate bindëse” në provat klinike. Ilaçi, molnupiravir, reduktoi rrezikun e shtrimit në spital apo vdekjes me rreth 50% për pacientët me raste të lehta apo të mesme të Covid-19, sipas lajmërimit të kompanive. Molnupiravir merret nga goja dhe funksionon duke ndaluar replikimin e Covid-19 brenda trupit.
Një analiztë e brendshme e studimit të fazës së 3 zbuloi se 7.3% e pacientëve të trajtuar me molnupiravir, u shtruan në spital brenda 29 ditëve. Prej pacientëve që morrën placebo, 14.1% u shtruan në spital apo vdiqën deri tek dita e 29. Asnjë vdekje nuk u raportua tek pacientët që morrën molnupiravir brenda periudhës 29 ditore, ndërkohë që 8 vdekje u raportuan te pacientët me placebo. Të gjithë 775 pjesëmarrësit kishin Covid-19 simptomatik të konfirmuar në laboraor dhe u trajtuan në mënyrë rastësore me molnupiravir apo placebo brenda 5 ditëve të nisjes së simptomave. Të gjithë pjesëmarrësit ishin të pavaksinuar dhe kishin të paktën 1 faktor që i vendoste në rrezik më të madh të zhvillimit të sëmundjes më të ashpër.
Ndër faktorët e rrezikut ishin obeziteti, mosha sipër 60-vjeç, diabeti apo sëmundjet e zemrës. Faza e tretë u zhvillua në mbi 170 qendra, në vende përfshirë SHBA, Brazil , Itali, Japoni, Afrikë të Jugut, Taivan dhe Guatemala. Robert M Davis, ekzekutivi dhe presidenti i Merck, tha në një deklaratë se kompania do bëjë gjithçka për të sjellë molnupiravir tek pacientët sa më shpejtë të jetë e mundur. “Me këto rezultate bindëse, ne jemi optimist se molnupiravir mund të bëhet një ilaç i rëndësishëm në përpjekjen botërore për të luftuar pandeminë”- tha ai.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.