Trajtimi me antitrupa i AstraZeneca. Britania do blejë 1 mln doza, për ata që nuk bëjnë dot vaksinën
Britania ka rënë dakord të blejë 1 milionë doza të trajtimit të antitrupave të Covid-19 të AstraZeneca, nëse e kalon me sukses provën e fazës së tretë. Kompania ka rekrutuar 5,000 pjesëmarrës në të gjithë botën për të vlerësuar efektshmërinë e kombinimit, të quajtur AZD7442, për të parandaluar infeksionin për deri në 12 muaj tek njerëzit që nuk mund t’i jipet vaksina apo që nuk reagojnë mirë ndaj injeksionit.
Antitrupat që veprojnë për kohë të gjatë mund të trajtojnë dhe parandalojnë progresin e sëmundjes tek pacientët e infektuar me virusin, sipas një deklarate të kompanisë. Trajtimi mund të merret edhe përpara ekspozimit ndaj virusit dhe mund të jetë shtesë ndaj vaksinës. AstraZeneca po përpiqet të rifutet në garë, ndërkohë që përgatitet të raportojë zbulime të rëndësishme nga vaksina që po zhvillon me universitetin e Oksfordit. Pfizer dhe BioNTech kërkuan autorizim emergjent të vaksinës së Covid-19, që ka shfaqur efektshmëri në mbi 95%. Modern aka publikuar gjithashtu rezultate pozitive të fazës së fundit. “Ndërkohë që i afrohemi një vaksine kundër Covid-19, ne duhet të vazhdojmë me provat klinike për një trajtim të ri alternativ që mbron më të cënuarit, kryesisht ata që nuk marrin dot vaksinën”- tha sekretari i biznesit, Alok Sharma.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.