“Trajtoni në kohë ankesat për energjinë” – ERE monitoron FSHU-në: Ankesat për mbifaturime zënë vendin kryesor
Vetëm 31.7% e ankesave të depozituara pranë Furnizuesit të Shërbimit Universal për energjinë elektrike janë trajtuar brenda afatit 30 ditor, që përcakton legjislacioni në fuqi”. Të dhënat janë bërë me dije nga Enti Rregullator i Energjisë, që ka monitoruar zbatimin e afateve për ankesat e regjistruara gjatë vitit 2020.
Sipas të dhënave ankesat për mbifaturime dhe vlerë referuese zënë vendin kryesor.
Nisur nga kjo situatë, ERE i ka kërkuar Furnizuesit të Shërbimit Universal që të marrë masa për trajtimin e ankesave në kohë si dhe të azhornojë platformën e kujdesit ndaj klientit.
Ndërkaq, kreu i Entit Rregullator të Energjisë Petrit Ahmeti tha se monitorimet do të vijojnë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.