Transfertat e parave 24 orë në 365 ditë të vitit. Ja vendi i parë që bën ndryshimin
Transfertat e parave në kohë reale midis llogarive bankare, madje edhe nëpërmjet institucioneve të ndryshme do të bëhet e mundur që nga janari i vitit të ardhshëm.
Pas një shqyrtimi të vitit 2012 të sistemeve të pagesave të Australisë, klientët nga katër banka të mëdha si dhe rreth 50 institucione më të vogla do të jenë në gjendje të përdorin automatikisht pagesa të menjëhershme gjatë gjithë ditës.
Adrian Lovney, shefi ekzekutiv i Platformës së Pagesave të Reja, tha se kjo është një iniciativë e krijuar nga 13 banka australiane në 2014 dhe se transfertat e parave nuk kanë pse të mos bëhen edhe gjatë fundjavave.
“Përfitimi kryesor i kësaj është marrja e shpejtë e parave në kohë reale dhe kjo do të ndodhë 24/7 dhe 365 ditë në vit”, tha Lovney. Kështu, gjatë fundjavës, gjatë festave, në orën 3 të mëngjesit, etj, paratë do të mbërrijnë në llogarinë bankare të marrësit në 30-45 sekonda.
Lovney tha se konsumatorët gjithnjë e më shumë po gjykojnë shërbimet në bazë të menjëhershëmrisë së tyre.
“Ata presin që gjërat të ndodhin menjëherë, me një telefon celular, në një ekonomi dixhitale 24/7 që kur dikusht t’u dërgojë para t’i marrin sot dhe jo javën e ardhshme”, përfundoi ai.
Genta Dobra/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.