Transfertë e paligjshme drejt Greqisë – Sekuestrohen 70 mijë euro dhe një makinë luksoze. Procedohen dy shqiptar
Policia e Shtetit ka bërë të ditur se ka proceduar penalisht dy shtetas të cilët janë përpjekur të transferonin në mënyrë të paligjshme para drejt Greqisë, duke sekuestruar kështu shumën prej 70.900 eurosh dhe makinën luksoze ku ishin fshehur paratë.
Sipas njoftimit si rezultat i kontrolleve te imtësishme të kryera nga Policia Kufitare, në bashkëpunim me shërbimet doganore dhe Frontex-in, në dalje të RSH-së është bërë bllokimi dhe sekuestrimi i automjetit të markës Renault, me drejtues shtetasin shqiptar E. X., 21 vjeç, lindur në Berat dhe banues në Greqi si dhe shtetasi me inicialet V. G., 49 vjeç, lindur në Sarandë dhe banues në Greqi, të cilit gjatë kontrollit në automjet iu gjet një sasi prej 70900 eurosh, të cilat i kishte fshehur në automjet, me qëllim shmangien e kontrollit.
Në publikim shkruhet se veprimet e para hetimore për këto raste u kryen nga DVP Gjirokastër, për veprat penale “Trafikim i mjeteve motorike” dhe “Mosdeklarim i të hollave dhe sendeve me vlerë në kufi” dhe materialet në ngarkim të dy shtetasve i kaluan prokurorisë, për veprime të mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.