Transformimi i ish parkut të Kuçovës, 48.5 milionë lekë për shpronësimet (Lista e pronarëve)
Ministria e Infrastrukturës dhe Energjisë ka shpallur kërkesën për shpronësimin, për interes publik, të pronarëve të pasurive të paluajtshme, pronë private, të llojit “truall” dhe “ndërtesë banimi” që preken nga realizimi i projektit, “Ndërtimi ish-parkut Kuçovë”.
Subjekti kërkues i këtij objekti është Bashkia Kuçovë që synon ta transformojë zonë në një park modern.
Personat që preken nga ky projekt të cilët kanë emrin në tabelën e publikuar, si dhe personat të cilët preken, por nuk figurojnë në këto lista, jo më vonë se 15 (pesëmbëdhjetë) ditë nga plotësimi i këtij afati për publikim, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara.
“Lutemi pronarët dhe personat që pretendojnë pronësinë mbi pasuritë që preken nga ky projekt, të dorëzojnë çdo dokument që disponojnë pranë Agjencisë Shtetërore të Kadastrës, Drejtoria Vendore Kuçovë, mbi saktësimin dhe konfirmimin e pronësisë, sipërfaqeve, mungesat e dokumentacionit etj” shkruhet në vendimin e publikuar në Fletoren Zyrtare.
Vlera totale paraprake e shpronësimit është 48 milionë e 481 mijë e 141 lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.