Transparenca në shëndetësi – Institucionet mbikëqyrëse: Ka abuzime dhe shërbimi është jo cilësor

Qytetarët shqiptar paguajnë  më shumë për një shërbim shëndetësor dhe për medikamente dhe në shumë raste nuk e marrin mbrapsht  cilësinë  e shërbimit madje ka mungesë në spitale dhe staf të specializuar. Ky është  rezultati i  gjetjeve të institucioneve mbikëqyrëse  nga auditimi në institucionet shëndetësore për 2017-ën  të cilat  përmes rekomandimeve të tyre kërkojnë kuvendit ndërhyrje në përmirësimin e  ligjeve për të ndryshuar situatën.

Sipas kreut të Kontrollit të Lartë të Shtetit, Bujar Leskaj nga kontrollet e kryerja ka rezultuar se mbarten  shpenzimeve të tepërta të shërbimeve spitalore, ka mungesë  e specialiteteve  pranë  shërbimeve në spitaleve rajonale dhe bashkiake si dhe mënyra e vlerësimit  financiar i paketave shëndetësore bie ndesh me ligjin.

Ndërsa avokatja e popullit, Erinda Ballanca theksoi nevojën për  ndryshim të herëpashershëm të sektorit shëndetësor. Ballanca vuri theksin te korrupsioni  në shëndetësi dhe kërkoi rritje të pagave të mjekëve për ta  minimizuar atë

Nënkryetarja e kuvendit Vasilika shprehu gatishmërinë e kuvendit  për  rregullime ligjore me anë  të konsultimeve publike.

Sipas Kontrollit të Lartë të Shtetit, nga auditimet e bëra gjatë 2017-ës abuzimet me burimet publike kanë sjellë  një kosto për qytetarët në vlerën  e 825.6 mln euro ku vetëm  në sektorin shëndetësor  dëmi  ekonomik arrin deri në 54.5 milion lekë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.