Transporti i pasagjerëve, 80 % zgjedhin fluturimet ajrore! Por trenat, marrin “kthesë” këtë vit

Fluturimi rezulton se është lloji i transportit më i preferuar, nëse analizojmë shifrat.  Në dymujorin e parë të vitit 2018, INSTAT raporton se janë kryer 3.606 fluturime, duke u rritur me 6,9 %, krahasuar me të njëjtën periudhë të një viti më parë.

Në dymujorin e parë 2018, transporti ajror i pasagjerëve zë 80,1 % të transportit gjithsej. Numri i pasagjerëve që kanë udhëtuar me linja ajrore, në dymujorin e parë 2018 është 368.706 duke u rritur me 11,0 %, krahasuar me të njëjtën periudhë të një viti më parë.

Numri i pasagjerëve që udhëtojnë me linjë detare në Shkurt 2018 është 36.393 pasagjerë, krahasuar me Shkurt 2017, ky tregues është ulur 15,7 %.

Në dymujorin e parë 2018, kanë udhëtuar me linjë detare 103.688 pasagjerë, duke u ulur me 13,3 %, krahasuar me të njëjtën periudhë të një viti më parë.

E sa i përket udhëtimit me tren, rezulton se ka një rritje numerike të konsiderueshme krahasuar me të njëjtën periudhë të një viti më parë. Në janar-shkurt 2018, INSTAT raporton se 4.406 pasagjerë kanë përdorur këtë mënyrë transporti, në një kohë që në janar-shkurt 2017, numri i pasagjerëve ishte 171.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.