Trazirat në SHBA: “Nuk cënon demokracinë amerikane, por ndikon në atë të vendeve të tjera”

Ngjarjet   e fundit  në Shtetet e Bashkuara të Amerikës nuk  cënojnë demokracinë  amerikane. Në një intervistë për televizionin SCAN kreu i lëvizjes për zhvillim kombëtar  Dashamir  Shehi  theksoi se  institucionet  amerikane dhanë një mesazh të fort sa i takon demokracisë  nga na atjetër  kreu i Lëvizjes Mjaft, Aldo Merkoçi tha  për Scan se i vetmi rrezik  që vjen nga  trazirat  është  ai i termit demokraci  në vendet e tjera  dhe konceptit të pritshmërisë poullore ndaj institucioneve të tyre.

“I rezistuan institucionet si Gjykatat, që u ankua tek të gjitha dhe i kthyen përgjigje që nuk shikojnë shkelje zgjedhore dhe nuk u hapën gjyqe për këtë punë. Edhe Gjykata e Lartë, gjithashtu nuk ndërhyri. Drejtësia dhe gjyqësori i rezistoi presionit politik.” – u shpreh Shehi.

“Dëmin mendoj se do ta bëjë në vende si Ballkani, si Lindja e Mesme, disa vende të Europës Lindore dhe vende si Azia ku pushtetarët e korruptuar dhe autoritarë të këtyre vendeve do përpiqen ta mbajnë pushtetin me dhunë dhe të përdorin mekanizma dhune.” – u shpreh Merkoçi.

Shehi u  ndal edhe në ndikimin  e mardhënieve me Shqipërinë  pas zgjedhjeve  në SHBA

“Me zgjedhjen e presidenti Biden do të jenë më të mira, sepse nuk do të hyjnë në zigzagun e presidentit Trump që i duheshin ca suksese për hir të zgjedhjeve. Për hir të zgjedhjeve ndodhi një marrëveshje për Kosovën që ka shumë pak mundësi realizimi. ”

Certifikimi i presidentit  të 46-të në SHBA, u shoqërua me protesta të dhunshme  nga mbështetësit e Trump, nga ku pati dhe humbje jete.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.