Tre raste specifike si të silleni me punonjësit tuaj, që ndonjëherë vënë në dyshim arsyen pse i keni marrë në punë
Për një pronar biznesi, gjetja dhe punësimi i i njerëzve të talentuar mund të jetë një nga pjesët më të rëndësishme të punës së tij.
Dhe realiteti është se edhe pasi ju të keni gjetur një të tillë, gjatë rrugës mund të haseni në vështirësi me ta për shkak të disa detyrave që ata nuk i kryejnë.
Jo vetëm si një pronar, por edhe një lider ju duhet të jeni në gjendje të identifikoni pse këta punonjës nuk janë në gjendje të performojnë kaq mirë në një detyrë të caktuar, ndërsa në disa të tjera shkëlqejnë dhe pse disa refuzojnë t’i bëjnë fare.
o gjithmonë është rasti, por përkundrejt asaj çfarë besohet, një punonjës mund të mos performojë shumë mirë dhe kjo nuk do të thotë se ai nuk është i duhuri për punën e dhënë. Në shumicën e rasteve është thjesht një problem që mund të zgjidhet:
Le të vazhdojmë me arsyen e parë pse një punonjës nuk po performon siç duhet në detyrën e dhënë:
Nuk e bën dot
Kjo është një aftësi apo aktivitet për të cilën ky punonjës thjesht nuk është i përshtatshëm. As orët e gjata të trajnimit dhe as drejtimi i vazhdueshëm nuk do ta tejkalojë këtë mangësi. Mundësia më e mirë e zgjidhjes së situatës është të shihni mundësi për ta vendosur në një pozicion ku aftësitë e tij më të mira dalin në pah dhe mangësitë nuk vihen re.
Nuk do ta bëjë
Kjo implikon se personi është i aftë për ta bërë aktivitetin ose ushtruar këtë përgjegjësi, por për çfarëdolloj arsye të brendshme, ky person thjesht nuk do ta bëjë. Duke supozuar se ju keni pasur një bisedë të gjatë si dy të rritur, zakonisht merret vendimi që ky person duhet të hiqet nga puna.
Por, kujdes pa marrë parasysh të gjitha rrethanat dhe mbledhjes së duhur të informacioneve nuk duhet të merrni një vendim kaq të nxituar.
Nuk di se si
Kjo është kur ju keni një anëtar të gatshëm të ekipit i cili thjesht nuk ka aftësi ose përvojë të caktuar për të mbaruar një detyrë ose përgjegjësi specifike. Ky person ka nevojë për trajnim dhe mbështetje për të mësuar se si të ketë sukses në këtë funksion specifik.
Pasi të keni njohur arsyet e ndryshme pse një punonjës mund të mos performojë mirë në një detyrë të specifikuar, bëhet shumë më e lehtë për të ndihmuar udhëheqjen e ekipit tuaj drejt suksesit. Dhe nëse situata e kërkon atë – lëreni punonjës të gjejë një ambient më të mirë pune.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.