Trefishohet numri i rasteve të reja në Gjermani! A do të rivendosen masat drakoniane?
Gjermania pothuajse trefishoi rastet e saj të reja të koronavirusit brenda 24 orëve të martën, rreth një javë pasi Kancelarja Angela Merkel qetësoi bllokimin e rreptë të vendit.
Agjencia e vendit për kontrollin dhe parandalimin e sëmundjeve, Instituti Robert Koch (RKI), raportoi 933 raste të reja – një kërcim i madh në krahasim me 357 raportuar një ditë më parë.
Shkalla e infektimit në popullsi, statistikisht ka kaluar mbi 1, nga nën 1 që është qëllimi.
Më 7 maj, Merkel vendosi kritere për të aplikuar një “frenë emergjente” për të forcuar bllokimin menjëherë. Mund të aplikohet në çdo rajon ku raste të reja të virusit arrijnë 50 në 100,000 njerëz brenda 7 ditësh.
Tre rrethe – një pjesë relativisht e vogël e Gjermanisë – kanë rivendosur masat drakionane, dhe më shumë mund të pasojnë. Ndryshimet specifike për bllokimet ndryshojnë nga një vend në tjetrin.
Deri këtë të martë, ka pasur gjithsej 170.508 raste dhe 7,533 vdekje nga virusi, sipas RKI.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.