Trefishohet varfëria në Brazil. Mbi 12.8% e popullsisë, më pak se 44 USD në muaj prej pandemisë

Varfëria në Brazil është trefishuar në vitin 2021, sipas fondacionit Getulio Vargas, që vlerëson se 17 milionë banorë kanë hyrë në varfëri në tremujorin e parë të vitit, nga ndikimi i ashpër i pandemisë së koronavirusit.  Hulumtuesit vlerësojnë se 12.8% e popullsisë së Brazilit, apo rreth 27 milionë njerëz, jetojnë  tashmë poshtë limitit të varfërisë prej 246 real, apo rreth 44 dollarë në muaj,  që është numri më i lartë që kur nisën regjistrimet e të dhënave një dekadë më parë.  Ndërprerja e ndihmave financiare në 4 muajt e fundit ka goditur rëndë brazilianët.  “Në këto katër muaj në shtëpi, pa ndihma, ne kemi patur një rritje në varfëri”- tha Marcelo Nery, kreu i fondacionit. Nga prilli në Dhjetor, thuajse 66 milionë brazilianë morën transferta në para cash, në programin më bujar në histori të qeverisë, për të ndihmuar njerëzit e cënuar na pandemia. Ndihma emergjencë zbuti goditjen ekonomike, rriti popullaritetin e presidentit Jair Boslonaro dhe luftoi varfërinë.  Megjithatë, skadimi i ndihmës në fund të 2020-s, po zhbën këto efekte.  Duke synuar zgjedhjet e vitit të ardhshëm, Bolsonaro është përpjekur të zgjerojë programin e ndihmave, edhe nëse fundos financat publike.  Paketa e re, që nis nga muaji Prill, do të ofrojë 4 muaj transferta me një mesatare prej 250 real apo 44.6 dollarë, ndaj një grupi më të vogël të punëtorëve informalë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.