Treg i dytë agroushqimor në Tiranë – Veliaj: Ulen çmimet e produkteve bujqësore
Tirana do të ketë një treg të dytë agroushqimor, i cili do të jetë publik dhe do të thyejë monopolin që ekziston aktualisht, ku taksat e larta ndikojnë edhe në çmimet finale të produkteve.
Lajmi është dhënë nga Kryetari i Bashkisë, Erion Veliaj, sipas të cilit pritet që të rritet konkurrenca dhe të bien çmimet.
Ndërsa, Ministri i Bujqësisë Bledi Çuci u ka bërë apel agrobizneseve dhe fermerëve shqiptarë që të përfitojnë më shumë nga fondet e IPARD, pasi sektori bujqësor nuk është mjaftueshëm i zhvilluar në raport me potencialet që ka.
Deklaratat u bënë në panairin “Agro Tech”, ku merrnin pjesë kompani të ndryshme të sektorit bujqësor e bankar duke e shfrytëzuar si hapësire për vendosje kontaktesh e lidhje kontratash.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.