Stoqet amerikane u shkëputën nga rrjedha e ngjarjeve në Europë në ditën e martë për tu mbyllur në rritej përmbi 1%. Rritja u ndikua nga rënia në nivel të menaxhueshëm të kostos së borxhit sovran të Spanjës që në pjesën e par të sesionit preku pikat më të larta historike.

Sesioni u karakterizua nga paqëndrueshmëria ashtu siç parashikohet të jetë e gjithë java që do ndikohet nga përpjekjet e investitorëve për të qartësuar nëse 100 miliardë euro do mjaftojnë për bankat e Spanjës si dhe nga zhvillimi i ngjarjeve në Greqi. Lojtarët e tregut thonë se ndihen të marrë peng nga çdo lloj lajmi dhe kjo është një situatë jo pozitive pasi është e pakontrollueshme.

Sektorët e ndjeshëm karshi cikleve të ekonomisë ishin edhe performueist më të mirë pasi janë të zhvlerësuar. Ndërsa blerjet u fuqizuan pasi S&P 500 ka marrë drejtimin për të rrëshqitur në 1 mijë e 300 pikë që sugjeron se është në territor të mbi-shitjes. Lëndët e para, financat dhe industria u rritëm deri në 1.5%. Dow Jones industrial u rrit 1.31%. Standard & Poor's 500 u rrit 1.17% dhe Nasdaq Composite u rrit 1.19%.

Përgatiti: Ermal Ngjelina

Postoje këtë artikull në: