Stoqet aziatike ranë sesionin e sotëm, duke rritur në pikën më të lartë në 2 javë vlerën e dollarit amerikan, që përdoret si një parajsë e sigurisë. Stoqet kaluan në territor negativ pasi investitorët ju larguan aseteve me risk të shqetësuar nga statistika që tregoi për dobësinë e aktivitetit të ekonomisë në shtetet e bashkuara, Europë dhe në kinë. Këto statistika kanë rritur frikën në tregje se ekonomia botërore po ngadalësohet në një ritëm të shpejtë.

Presioni mbi stoqet erdhi edhe pas publikimit të vendimit të agjencisë së vlerësimit të kreditit Moody’s që zhvlerësoi 15 bankat më të mëdha të botës. Ky zhvlerësim shtoi presionin mbi lëndët e para dhe mbi monedhat e lidhura ngushtë me këtë sektor. Indeksi MSCI për Azinë e paqësorit pa Japoninë ra 1.4% ndërsa në Tokio bençmarku Nikkei ra 0.32%. Në Korenë e Jugut regjistrohet performanca më e dobët aziatike dhe KOSPI ra 2.32%. Në Australi ASX ra 1.05%.

Në Hong Kong treguesi HANG SENG ra 1.03%. Në Kinë SSEC ra 1.40% dhe në Tajvan TAIEX ra 0.79%. Në tregun monetar euro ka ndryshuar pak dhe vlerësohet në 1.2555 dollarë, ndërsa monedha amerikane vlerësohet në 80.39 jen rritje me 0.22% për ditën e sotme. Në tregun e metaleve të çmuara ari ka zgjeruar humbjet e një dite më parë dhe vlerësohet në 1 mijë e 564.83 dollarë për onz. Në tregun energjetik nafta bruto amerikane për gushtin rikuperoi një pjesë të territorit të humbur dhe vlerësohet në 78.54 dollarë për fuçi.

Përgatiti: Ermal Ngjelina

Postoje këtë artikull në: