Stoqet aziatike dhe asetet e lidhura ngushtë me performancën e ekonomisë regjistruan rënie në ditën e sotme pas të dhënave të treguan për ngadalësim të zgjerimit të rritjes ekonomike në kinë dhe në Europë. Ndikim negativ ka dhënë edhe rritja e tensionit mes perëndimit me Iranin, duke shkaktuar një valë të gjerë të tërheqjes të investitorëve nga tregu. Shumica e investitorëve kanë preferuar të tërheqin fitimet e realizuara në këto 2 muajt e fundit të shkaktuara nga injektimi i likuiditetit në sistem nga bankat qendrore kryesore të botës dhe sidomos nga injektimi me 2 faza i 1.2 trilionë euro nga Banka Qendrore Europiane.

Optimizmi në treg është gërryer pas reduktimit të parashikimit për rritej ekonomike në kinë dhe të dhënave europaine që sugjerojnë se rajoni ka hyrë në recesionin e dytë në këto 3 vitet e fundit. Likuiditeti i injektuar nga banka qendrore europiane për tregjet do të thotë se sistemi bankar në rajon është i aftë të përballojë goditjet që mund të marrë nga thellimi i krizës së borxheve sovrane, por tashmë investitorët po tërhiqen të shqetësuar nga performanca e ekonomisë globale. Indeksi MSCI për Azinë e paqësorit pa Japoninë ra 1.4% i ndikuar nga stoqet kineze dhe nga sektori pan aziatik i minierave. Në Japoni NIKKEI ra 0.56%. Në Korenë e jugut KOSPI ra 0.74%. Në Australi ASX ra 1.35%. Në Hong Kong treguesi HANG SENG ra 1.38%.

Në Kinë SSEC ra 1.28% dhe në Tajvan TAIEX ra 0.83%. Në tregun monetar euro ra 0.14% në 1.3198 dollarë ndërsa monedha amerikane ra 0.1% në 81.44 jen. Në tregun e metaleve të çmuara ari ra 0.28% në 1 mijë e 700.10 dollarë për onz. Ndërsa bakri është metali tipik i ndjeshëm ndaj parashikimeve për zhvillimin e ekonomisë globale ra me 0.7% në Londër në 8 mijë e 445 dollarë për ton. Ndërsa në Shangai bakri ra 15 në 9 mijë e 600 dollarë për ton. Në tregun energjetik nafta bruto Brent ra lehtë në 123.74 dollarë për fuçi, ndërsa nafta bruto amerikane u rrit 7 cent në 106.79 dollarë për fuçi.

Përgatiti: Ermal Ngjelina

Postoje këtë artikull në: