Stoqet europiane  u rritën për të tretën ditë në radhë këtë pjesë të parë të sesionit të sotëm. Rritja e indekseve është mbështetur nga kërkesa për stoqet e sektorit të prodhimit të veturave por megjithatë lojtarët në treg paralajmërojnë se masa e rritjes do të jetë e kufizuar për shkak të paqartësisë mbi rezultatin e samitit të Brukselit që nis në ditën e sotme.

Indeksi pan europian FTSEurofirst 300 u rrit 0.2% në 1 mijë e 2.24 pikë, ndërsa blu çipi europian Euro STOXX 50 u rrit 0.3%. Analistët paralajmërojnë se kjo është një tentativë për të kaluar në vlera pozitive e cila nuk mund të zgjasë më shumë se kaq. Indeksi për prodhuesit e veturave është rritur me 1% dhe  Daimler u rrit me 1.8% Investitorët do të vendosin fokusin tek zhvillimet në eurozonë dhe samiti i Brukselit që nis në ditën e sotme, pavarësisht se ka pak shanse që samiti të prodhojë rezultatet që kërkojnë tregjet.

Në ditën e sotme trendi pritet të përcaktohet edhe nga statistikat që do të publikohen për eurozonën. Kështu pritet statistika për çmimet e prodhuesve në Itali, të dhënat e punësimit gjerman, optimizmi ekonomik për eurozonën dhe të dhënat përfundimtare për prodhimin e brendshëm bruto të Britanisë për tremujorin e parë. Në ditën e mërkurë Indeksi pan-Europian FTSEurofirst 300 është mbyllur në rritje me 1.3% në 998.17 pikë, ndërsa në 4 sesionet e kaluara ky indeks ka humbur rreth 3% të vlerës.

Përgatiti: Ermal Ngjelina

Postoje këtë artikull në: