Tregtia “bën namin” në Shqipëri, e para nga ndërmarrjet e vogla dhe të mesme – Energjia dhe uji, në fund të listës
Sektori i tregtisë është ai që dominon ndërmarrjet e vogla dhe të mesme në Shqipëri, me konkretisht 40% të tregut. Nga ana tjetër, e kundërta ndodh me sektorin e energjisë elektrike, ujit dhe menaxhimit të mbetjeve, të cilat kanë përqindjen më të vogël të NVM- ve, me 0.6%.
Referuar raportit më të fundit të Institutit të Statistikave, tregtia zotëron afro 30% të të punësuarve të Ndërmarrjeve të Vogla dhe të Mesme. Ndërkaq, sektori i industrisë nxjerrëse ka vetëm 1.8% të të punësuarve të NVM-ve.
Nga ana tjetër, në një panoramë të përgjithshme, publikimi i Instat mbi vitin 2019 tregon se përqindja e NVM-ve është 99.8% i njëjtë me ato të vendeve të Bashkimit Europian, ndërsa përqindja e të punësuarve në këtë grup ndërmarrjesh është 81.6 % në Shqipëri, nga 66.7 % në BE.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.