Tregtia e ekonomisë së tretë – Eksportet e Japonisë rriten me normën më të madhe në 4 vite

Eksportet e ekonomisë së tretë më të madhe në botë u rritën me normën më të shpejtë në 4 vite për muajin Gusht, nxitur nga dërgesat e makinave dhe pajisjeve elektronike. Kjo tregon se kërkesa e jashtme do të mbështesë rimëkëmbjen ekonomike të Japonisë.

Eksportet u rritën me 18.1% me bazë vjetore, që është norma më e madhe që prej Nëntorit 2013, duke thyer lehtë vlerësimet e analistëve për një rritje me 14.7%.  Eksportet e Japonisë kanë shënuar muajin e 9 radhazi të rritjes.

Banka e Japonisë pritet të mos ndryshojë politikat monetare në takimin e kësaj jave, ndërkohë që inflacioni qëndron i dobët pavarësisht të dhënave të forta mbi ekonominë.  Sipas analistëve, kjo tregon se kërkesa e jashtme do të ruajë fuqizimin e Japonisë për tremujorin e tretë, duke kompensuar shpenzimet e dobëta të konsumatorëve.

Në terma të volumit, eksportet u rritën me 10.4% në Gusht me bazë vjetore, me normën më të madhe që prej Gushtit 2010.  Rritja e dërgesave të makinave dhe pajisjeve elektronike rritën eksportet drejt Shteteve të Bashkuara me 21.4%.  Eksportet me Kinën u rritën me 25.8%, shumë sipër normës së muajit Korrik.

Në total, importet e ekonomisë së tretë më të madhe në botë u rritën me 15.2% në Gusht. Balanca tregtare rezultoi në një sufiçit prej 1.02 miliardë dollarë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.