Tregtia e Jashtme / Shqipëria eksporton 33 miliard lekë mallra gjatë shtatorit. Importet kapin vlerën e 69 miliard lekëve

Instat ka publikuar shifrat e Tregtisë së Jashtme për muajin Shtator 2021 ku eksportet e mallrave arritën vlerën 33 miliard lekë, duke u rritur me 31,1 %, në krahasim me të njëjtën periudhë të një viti më parë dhe me 39,4 %, në krahasim me Gusht 2021.

Importet e mallrave arritën vlerën 69 miliard lekë, duke u rritur me 31,6 %, në krahasim me një vit më parë dhe me 13,4 %, në krahasim me Gusht 2021. Defiçiti tregtar i këtij muaji është 36 miliard lekë, duke u rritur me 32,0 %, krahasuar me Shtator 2020 dhe duke u ulur me 3,3 %, në krahasim me Gusht 2021.

Në këtë nëntëmujor eksportet e mallrave arritën vlerën 266 miliard lekë, duke u rritur me 36,5 %, ndërkohë importet e mallrave arritën vlerën 556 miliard lekë, duke u rritur me 29,6 %, krahasuar me një vit më parë.

Deficiti tregtar arriti vlerën 290 miliard lekë, duke u rritur me 23,9 %, krahasuar me të njëjtën periudhë të 2020. Kontributi i grupeve kryesore në ndryshimin vjetor të eksporteve: Gjatë muajit Shtator 2021, në rritjen e eksporteve prej 31,1 %, pozitivisht kanë ndikuar grupet: “Materiale ndërtimi dhe metale” me +15,1 pikë përqindje, “Minerale, lëndë djegëse dhe energji elektrike” me +10,6 pikë përqindje dhe “Ushqime, pije, duhan” me +2,2 pikë përqindje.

Eksportet, gjatë këtij nëntëmujori janë rritur me 36,5 %, krahasuar me një vit më parë. Grupet që kanë ndikuar pozitivisht në rritjen vjetore të eksporteve, janë: “Materiale ndërtimi dhe metale” me +14,3 pikë përqindje, “Minerale, lëndë djegëse dhe energji elektrike” me +11,6 pikë përqindje dhe “Tekstile dhe këpucë” me +3,5 pikë përqindje.

Kontributi i grupeve kryesore në ndryshimin vjetor të importeve: Gjatë muajit Shtator 2021, në rritjen e importeve prej 31,6 %, krahasuar me Shtator 2020, kanë ndikuar pozitivisht grupet: “Minerale, lëndë djegëse dhe energji elektrike” me +12,9 pikë përqindje, “Ushqime, pije, duhan” me +5,0 pikë përqindje , “Materiale ndërtimi dhe metale” me +4,1 pikë përqindje

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.