Tregtia e lirë në rajon/Sipërmarrësit: Shqipëria të lehtësojë procedurat doganore

Shqipëria ende ka barriera në dogana, të cilat nuk lejojnë zhvillimin e tregtisë së lirë.

Kështu është shprehur për Televizionin SCAN, sipërmarrësja nga Maqedonia, Gëzime Fejzi, e cila nënvizoi si të rëndësishme lehtësimin e procedurave doganore, që do të ndihmonte në rritjen e mëtejshme të investitorëve të huaj, të cilët janë të interesuar për të investuar në Shqipëri.

“Biznesmenët tanë janë ballafaquar me doganën. Unë mendojë që këto barriera nëpërmjet këtyre konferencave dhe odave ekonomike duhet të thyhen, që të vazhdojë të lulëzojë biznesi si në Shqipëri ashtu edhe në Maqedoni. Të arrijmë suksesin që të bëjmë një tregti të lirë”.

Por, pavarësisht kësaj, Fejzi deklaron se, të bësh biznes në Shqipëri është më e lehtë se në shtetin Maqedonas, kjo për arsye të financimit nga qeveria shqiptare me anë të granteve, siç është rasti i mbështetjes së fermerëve, gjë e cila sipas Fejzit mungon në shtetin Maqedonas.

Nertila Doku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.