Tregtia në Eurozonë – Eksportet neto shënojnë 23.2 mld euro për Korrikun
Sufiçiti tregtar i Eurozonës me pjesën tjetër të botës arriti në 23.2 miliardë euro në muajin Korrik, tregojnë të dhënat e Eurostat.
Eksportet e mallrave shënuan rreth 177.7 miliardë euro në 19 vendet e valutës së përbashkët gjatë muajit, duke treguar një rritje me 6.1% krahasuar me të njëjtën periudhë një vit më parë. Importet, nga ana tjetër, arritën 154.6 miliardë euro, në rritje me 8.2% me bazë vjetore.
Zyra e Statistikave e Bashkimit Europian tregoi se sufiçiti tregtar u rrit në 130.2 miliardë nga Janari në muajin Korrik, në rritje nga 7 muajt e parë të 2016-ës.
Volumi total i tregtisë në të gjithë vendet anëtare të Bashkimit Europian pati një sufiçit prej 8.8 miliardë euro në Korrik.
Në korrik, volumi total i eksporteve në 28 vendet e Bashkimit Europian arriti në 155.8 miliardë euro, ndërsa për importet, shifra u rrit në 146.9 miliardë.
Eurostat lajmëroi gjithashtu rritjen e kostos së fuqisë punëtore në Eurozonë, me 1.8% në tremujorin e dytë 2017, ndërsa për 28 vendet e Bashkimit Europian, norma e rritjes ishte 2.2%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.