Tregtia neto në Kinë – Përshpejtohen dërgesat drejt SHBA përpara vendosjes së tarifave
Sufiçiti tregtar i Kinës me Shtetet e Bashkuara është rritur në tremujorin e parë të këtij viti, me disa analistë që kanë spekuluar se eksportuesit kanë përshpejtuar dërgesat përpara vendosjes së tarifave nga administrata e Trump.
Edhe pse në total sufiçiti tregtar i Kinës është tkurrur në tremujorin e parë, tregtia neto me SHBA u rrit me 19.4% në 58.2 miliardë dollarë, krahasuar me vitin e kaluar. Ndërkohë që ka shtuar dërgesat në SHBA, Kina ka blerë më shumë nga vendet e tjera, dhe rezultoi në një defiçit prej 9.86 miliardë dollarë me pjesën tjetër të botës.
Eksportet dhe importet e Kinës janë rritur me një normë dyshifrore në fillim të vitit dhe pavarësisht rënies së eksporteve në Mars që solli defiçitin tregtar, analistët presin një rimëkëmbje, duke theksuar efektet sezonalë.
Eksportet për tremujorin e parë në SHBA u rritën me 14.8% me bazë vjetore, pavarësisht rënies me 5.6% në Mars. Importet nga ana tjetër, u rritën me 8.9% në tremujorin e parë dhe me 3.2% në Mars. Kjo bëri që sufiçiti me Amerikën të arrijë në 15.43 miliardë dollarë në Mars, krahasuar me 20.96 miliardë që ishte një muaj më parë.
Eksportet totale të aluminit u rritën në nivelin më të lartë në thuajse 1 vit, ndërkohë që Shtetet e Bashkuara vendosën tarifat për metalin. Vetëm për muajin Mars, eksportet kineze ranë me 2.7%, duke mbetur shumë pas projeksioneve të analistëve. Importet për muajin u rritën me 14.4%, duke sjellë një deficit tregtar prej 4.98 miliardë dollarë për muajin.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.