Tregtonte paketa pa pullë fiskale – Doganat sekuestrojnë 54 steka cigaresh kontrabandë
Strukturat e Administratës Doganore ushtruan kontroll në ambientet tregtare të subjektit në pronësi të “R.B”, ku kapën një sasi cigaresh prej 54 stekash. Stekat ishin të markave të ndryshme pa pullën fiskale të Ministrisë së Financave.
Për sa më sipër, u bë arrestimi në flagrancë i shtetasit Xh.B për veprën penale të “Kontrabandë me mallra që paguajnë akcizë tregtimi, mbajtja dhe transportimi i mallrave” që janë kontrabandë parashikuar nga neni 172 dhe 178 i Kodit Penal.
Gjithashtu këto struktura kanë ushtruar kontrolle në zona te ndryshme të kryeqytetit ku janë sekuestruar sasi te ndryshme cigaresh si edhe duhan i hapur.
e.t /SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.