Tregu botëror i pronave, gati për rritje / Ndikojnë rënia e interesave, vaksinimi i shpejtë dhe fundi i karantinës

Tregu i pronave të banimit në ekonomitë e mëdha pritet të rriten këtë vit, prej stimujve të mëdha monetarë dhe fiskalë dhe rimëkëmbjes nga pandemia, sipas një sondazhi të Reuters.  Çmimi mesatar i shitjes së shtëpive ka arritur nivele rekord në vitin 2021 në disa vende. Ky trend pritet të vazhdojë, nxitur nga interesat e ulëta të kredive hipotekare, programi i shpejtë i vaksinave dhe zbutja e masave të karantinës nga pandemia.   Rritja e madhe e çmimit të pronave vjen së bashku me rritjen e tregut të aksioneve, që është rimëkëmbur shpejtë nga goditja e pandemisë.  Sondazhi i Reuters i mbi 100 ekspertëve të tregut të pronave, i zhvilluar nga 11-24 Maj, tregoi përditësime të mëdha të projeksioneve të çmimit të shtëpive në SHBA, Britani, Kanada, Austali dhe Dubai, krahasuar me 3 muaj më parë, duke kaluar rritjen e pritur të  PBB dhe inflacionin.  Ekspertët thonë se besimi konsumator është rritur falë programit të shpejtë të vaksinimit dhe sipas anketimeve,  pandemia ka bërë që më shumë njerëz të shohin për të blerë shtëpi.   Trendi në sondazhin e fundit të Reuters tregoi pritshmëri për rritje të forta këtë vit, ndjekur nga një rritje më e ngadaltë në vitet e ardhshme.   Ndërkohë që ka patur kërkesë të lartë si për shtëpitë për 1 dhe disa familje, në qytete dhe fshatra, ndërsa pyeteshin për kërkesën për zyra, shumica e të anketuarve ishin të ndarë.  Dyzetë e një nga 78 të anketuar thanë se pritet rënie, ndërsa 37 prisnin një rritje.  Analistët thonë se puna e detyruar në distancë do të shkaktojë një zhvendosje dramatike të kërkesës në sektorin e zyrave.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.