Tregu i drone-ve në “boom”, përdorimi i tyre në disa sektorë
Tregu i automjeteve ajrore pa pilot, të njohura ndryshe si drone ka shënuar një rritje të madhe në botë. Shumë kompani e kanë zgjeruar biznesin e tyre, duke futur në prodhim dronet, me mundësi përdorimi në shumë drejtime.
Kështu nëse i referohemi tregut polak, në fund të vitit 2016 kishte një vlerë përafërsisht 54 milionë franga zvicerane, me një rritje vjetore 23 për qind. Kompanitë vendase e cilësojnë si një “boom” tregu, pasi në hapësirën ajrore polake, fluturojnë rreth 100,000 drone. Sipas parashikimeve nga instituti i hulumtimit të tregut Mikromakro, kjo shifër mund të dyfishohet deri në vitin 2020. Përafërsisht 300 kompani janë të pranishme në treg.
Dronët po gjejnë aplikim në sektorë të ndryshëm
Përafërsisht 90% e regjistrimeve të filmit ajror bëhen duke përdorur drone. Një shembull tjetër është grupi hekurudhor polak PKP Cargo, i cili përdor dronet për qëllime sigurie, ose Rrjetet Polake të Energjisë Elektrike (PSE) dhe Gaz-System, të cilët monitorojnë rrjetet e energjisë dhe testojnë linjat e gazit me ndihmën e droneve. Dronet po përdoren gjithnjë e më shumë për matje precize në industrinë e ndërtimit.
Sipas ekipit këshillues të PwC-së për Drone Powered Solutions, kornizat ligjore përfituese dhe njohuritë e gjera në inxhinieri dhe gjeodezi në Poloni do të kontribuojnë në përdorimin e dronëve në fusha të tjera.
Në Poloni ekzistojnë 3,523 operatorë – përdorues të droneve (krahasuar me 1,700 në vitin paraprak), që është më shumë se Franca (2,905) dhe Mbretëria e Bashkuar (2,237). Vlen të përmendet se Polonia zë vendin e parë në BE dhe vendin e dytë në botë në lidhje me numrin e operatorëve për 100,000 banorë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.