Tregu i internetit. Në rritje si nga linjat fikse, edhe nga rrjetet celulare

Interneti po konfirmohet edhe këtë vit segmenti më dinamik i tregut të telekomunikacioneve. Të dhënat nga Autoriteti i Komunikimeve Elektronike dhe Postare (AKEP) për tremujorin e parë të këtij viti tregojnë se numri i abonentëve të internetit me linja fikse u rrit përsëri me ritme të lartë. Në fund të tremujorit të parë, operatorët raportonin gjithsej 431 mijë përdorues, në rritje me 15% krahasuar me një vit më parë. Ky treg duket qartazi edhe më konkurrues në raport me atë të shërbimeve të lëvizshme. Pjesa e tregut të operatorit më të madh, Albtelecom, është rënie konstante dhe tashmë ka zbritur në 31%, nga pothuajse 35% që ka qenë të bjerë gradualisht dhe tashmë është pranë nivelit 35%.

Ky shërbim duket se ka potenciale të mëdha rritjeje. Tashmë, dy prej tre operatorëve celularë janë të pranishëm edhe në tregun e internetit me linja fikse.

Operatorët celularë po zgjerohen në tregun e linjave fikse, me qëllim zgjerimin e bazës së të ardhurave.

Ndërkohë, përdorimi i internetit me brez të gjerë po rritet edhe nga rrjetet celulare po rritet me ritme të shpejtë.

Çdo shqiptar konsumon tashmë pothuajse 4 GB (gigabajt) internet çdo muaj me telefonin e tij celular. Sipas statistikave të tremujorit të parë të këtij viti, konsumi mesatar i internetit nga rrjetet celulare u rrit me 18% krahasuar me një vit më parë.

Sipas AKEP, janë rreth 1.7milionë shqiptarë që kanë akses në internet 3G dhe 4G nga aparatet celularë.

Shërbimi i internetit ka marrë shtysë të fuqishme nga teknologjia 4G dhe shtimi i telefonëve inteligjentë. Pritet që këtë vit të hidhen hapat e parë në drejtim të ofrimit të frekuencave për brezin e gjeneratës 5G.

Ersuin Shehu / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.