Tregu i punës në Itali – Norma e papunësisë, e qëndrueshme në 10.2%
Norma e papunësisë në Itali ka mbetur e pandryshuar në 10.2% në muajin Prill, sipas zyrës kombëtare të Statistikave INSTAT, ndërkohë që projeksionet tregonin për një rritje në 10.3%. Norma në muajin Mars u regjistrua në 10.2%, që ishte edhe niveli më i ulët që prej Gushtit 2018.
Në periudhën Shkurt-Prill, janë krijuar 72,000 vende pune, në rritje me 0.3% nga tre muajt paraardhës. Në këtë periudhë, kontratat e përkohshme ranë me 0.5%, ndërsa ato të përhershme u shtuan me 0.4%. Një nga veprimet e para që ndërmori qeveria populiste kur mori detyrën vitin e kaluar ishte kalimi i masave që kufizonin punësimin e përkohshëm dhe inkurajonin kontratat pa afat.
Ndërkohë që norma e punësimit ndodhet në nivelin më të lartë në 1 dekadë, të dhënat tregojnë se tregu i punës po reziston, pavarësisht ekonomisë së dobët italiane. Në muajin Prill, norma e papunësisë tek të rinjtë u rrit në 31.4%, nga 30.6% që ishte në Mars.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.