Tregu i punës në SHBA – Pritet të jetë fuqizuar gjatë Qershorit, pagat shihen në rritje

Punëdhënësit amerikanë pritet të kenë ruajtur vrullin e punësimit në Qershor dhe rritur pagat për punonjësit, gjë që do të përforcojë këndvështrimin e Rezervës Federale për një fuqizim të ekonomisë në tremujorin e dytë.

Punësimi pritet të jetë rritur me 195 mijë në muajin e kaluar, pas 223 mijë vende pune të krijuara në Maj. Ekonomia duhet të shtojë thuajse 100 mijë vende pune në muaj që të tejkaloi rritjen e popullsisë në plakje.

Analistët thonë se raporti i punësimit për Qershorin pritet të tregojë një tkurrje të mëtejshme të tregut të punës, që së bashku me rritjen e inflacionit, duhet të garantojë 2 rritje të tjera të normës së interesit për këtë vit.

Procesverbali i takimit të Rezervës Federale ofroi një vlerësim optimist për tregun e punës. Sistemi bankar qendror në SHBA rriti normën bazë të interesit për të dytën herë këtë vit gjatë Qershorit dhe projekton 2 ndërhyrje të tjera këtë vit.

Norma e papunësisë pritet të qëndrojë në nivelin më të ulët në 18 vite prej 3.8% për Qershorin. Papunësia ka rënë me 0.3% deri më tani për vitin dhe është brenda vlerësimit të bankës qendrore për 3.6% deri në fund të 2018-ës.

Shtimi i vendeve të punës mund të rezultojë edhe poshtë projeksioneve, për shkak të rritjes së mungesës së punonjësve në të gjithë sektorët e ekonomisë. Nga manifaktura e deri te shërbimet, kompanitë kanë raportuar vështirësi në gjetjen e punonjësve me aftësi.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.