Tregu i shtëpive në Britani/ Halifax: Rimëkëmbet pavarësisht pasigurive politike dhe ekonomike

Huadhënësi hipotekar Halifax, deklaroi se çmimet e shtëpive në Mbretërinë e Bashkuar janë rritur me normën më të shpejtë vjetore në 2 vite, gjatë tremujorit të dytë, duke sinjalizuar se tregu po stabilizohet pas Brexit.

Çmimet e shtëpive u rritën me 5.7% në tremujorin e dytë me bazë vjetore, sipas Halifax.   Huadhënësi paralajmëroi se rritja vjetore u ndikua nga ngadalësimi i çmimeve në të njëjtën periudhë 1 vit më parë.  Me bazë mujore, çmimet ranë me 0.3%, pas një rritjeje me 0.4% në Maj.

Megjithatë, sipas kompanisë, tregu i shtëpive po tregon një stabilitet përballë pasigurisë politike dhe ekonomike.   Treguesi i Halifax mbi rritjen vjetore të çmimeve të shtëpive është rritur me thuajse 10% në vit përpara referendumit të Qershorit 2016.

Britania siguroi një zgjatje të afatit për daljen nga Bashkimi Europian deri më 31 Tetor, por shumë investitorë shqetësohen mbi mundësinë e daljes pa marrëveshje, diçka që të dy garuesit për kryeministër thonë se janë të përgatitur për ta bërë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.